SM?ÖGUTELAGET MED SEIER OVER F?òRDE 6

Foto:jarle geithus

I eit ufyseleg vær med regn og vind, vann Balestrendingane til slutt ein fortent seier.

Første omgang var relativt jamspelt. Laget var heldig som ikkje fekk Ole - Martin utvist då han som siste mann i forsvaret felte førdianaren på veg igjennom like utanfor 16 - meteren. Ole - Martin klarte seg for øvrig godt som midtstoppar i denne kampen. Frisparket redda Andreas meisterleg.

Laget frå Balestrand pressa svært høgt og var difor sårbart for kontringar. Det kunne difor ha gått galt seinare i omgangen då ein av førdespelarane vart spelt igjennom, men også denne gongen redda Andreas glimrande. Andreas var og svært flink til å kome ut og klarere dei øvrige gjennomspela. Balestrendingane hadde og sine sjansar, men hadde grunn til å vere mest nøgd med at det sto 0-0 til pause.


Etter om lag 10 minutt av andre omgong gjekk Balestrand opp til 1-0 etter ei heldig scoring. Derifrå og ut, var det imidlertid aldri nokon tvil om kor seiaren ville gå. Balestrendingane tok meir og meir over, og Espen og Kristoffer dominerte etter kvart på midtbana. Gustav kom lengre opp på bana frå sin midtstoppar posisjon, og kom til fleire avslutningar. Heilt på slutten av kampen gjekk (løp) han frå eige forsvar, dribla av 6-7 motstandarar, men skotet gjekk diverre i stolpen og ut. Ein flott prestasjon. Fartein kom fleire gongar fram på bana frå sin venstre back plass. M.a. hadde han eit nydeleg innlegg til 3-0 scoringa. Sjølv om motstandarane frå fylkessenteret og hadde eit par farlege sjansar i andre omgang, vann Balestrendingane til slutt 4-0.

Førdelaget var eit reint 92 -lag. Fleire av spelarane til Balestrand var difor fysisk overlegne sine motstandarar, og ein del av tacklingane var i overkant tøffe. Det er likevel lov til å bruke fysikk i fotball, og ein usikker og dårleg dommar må ta på seg noko av skylda for at det til tider vart litt ampert ute på bana. Det er og vanskeleg å spele fotball, når tilhøva vert så vanskelege som dei var måndag kveld. Det var i alle fall føre for skli tacklingar.

Sjølv om dette ikkje var nokon stor forestilling, var det gledeleg å sjå god innsats og kjemping av heil laget, spesielt i andre omgang.